Lunedoù Fañchou

Deskrivadenn

— Tralalalaleno… Poum Poum… Diroll eo Mike – Michael Bescond – ur wech ouzhpenn. Evel boaz. Bannañ paper, c’hoari e varmouz pa dro ar c’helenner e gein… Ha kerkent ma ya hemañ kuit e tiskouez kaout muioc’h a startijenn c’hoazh. Ha fent. Ha mennozhioù droch. Kroget en deus er skubelenn, pignet eo war an daol, hag eñ da c’hoari Harry Potter, oc’h ober van da nijal. « Amañ e vez pout an dud » a soñje Jon, d’an devezh kentañ m’en em gavas e skolaj Armand Robin, o sellet ouzh hailhoned ar c’hlas, Mike, Seb hag o mignoned. Eizh miz goude , koulskoude, ne fell ket dezhañ kuitaat anezho. Desket en deus anavezout an dud, ar re jentil koulz hag ar re zrouk, ar re yaouank koulz hag ar re gozh.

Yann-Fañch JACQ en deus skrivet 10 levr evit an dud deuet hag un 20 bennak evit ar re yaouank, ha gounezet gantañ meur a wech ar Priz ar Yaouankiz. Kelenner war ar brezhoneg eo e skolaj Diwan ar Releg hag el lise Diwan Karaez. Skrivañ a ra reoliek evit ar sizhuniek Ya! hag a gustum kenurzhiañ ouzhpenn. http://yabzh.com/

2010 – Priz ar Yaouankiz – 66 p. – 11 x 18 cm