Penaos e Ya ! Ar bed ?

Deskrivadenn

Un dastumad kontadennoù berr ha danevelloù embannet er gazetenn sizhuniek Ya! etre 2011 ha 2012 eo Penaos e YA ar bed ?. Kudennoù hor c’hevredigezh (politikerezh, endro, justis, teknologiezhioù nevez, labour-douar, saotradurioù, tachenn vor…) a zo meneget enno dindan ur stumm faltazius, gwirion pe c’hoazh skiant-faltazius. En ur brezhoneg pobl int bet skrivet ma c’hello an holl vrezhonegerien lenn ha kompren anezho, dreist-holl ar re a zo o teskiñ ar yezh. En abeg da se eo bet ouzhpennet, evit pep istor, displegadennoù a denn d’ar gerioù pe troioù-lavar n’int ket anavezet mat.

Ul leurenner, ur c’homedian, ur rener strollad c’hoariva hag ur saver pezhioù-c’hoari ha romantoù eo Goulc’han Kervella. Ganet eo d’ar 4 a viz Gouere 1951 e Plougerne, en ur familh a martoloded. Gant e strollad c’hoariva Ar Vro Bagan o deus
graet berzh an arvestoù brezhonek ha gallek diskouezet da viliadoù a dud.

2012, 232 p., ment 110×180 mm