Beaj Mael-Duina

Deskrivadenn

En inizi Aran, e Bro-Iwerzhon, er Grennamzer. Brendan, ur chaseour yaouank, a zo bet lonket gant un aerouant. Bev eo atav avat, e kof an euzhvil. Mont a ra e c’hoar Mael-Duina da glask saveteiñ anezhañ e-bourzh ul lestr dre-lien. Ganti, er bourzh ez eus un toullad moraerien yaouank. Harpet int gant an drouiz Nuca hag ar barzh Diuran. Douarañ a reont e c’hwec’h enezenn iskis a-raok en em gavout gant ar seizhvet hini, Enez varzhus an Aerouant.

—

Ul leurenner, ur c’homedian, ur rener strollad c’hoariva hag ur saver pezhioù-c’hoari ha romantoù eo Goulc’han Kervella. Ganet eo d’ar 4 a viz Gouere 1951 e Plougerne, en ur familh a vartoloded. Gant e strollad c’hoariva Ar Vro Bagan o deus graet berzh an arvestoù brezhonek ha gallek diskouezet da viliadoù a dud.